Latest News from Terai Madhesh

बिद्युत महशुल नतिर्ने बारा पर्साका ६ सय ग्राहकको लाइन काटियो

काठमाण्डौ : नेपाल विद्युत प्राधिकरण वीरगञ्ज वितरण केन्द्रले चालु आर्थिक वर्षको चैतसम्ममा विद्युत महसुल नबुझाउने झण्डै ६ सय ग्राहको विद्युत लाइन काटेको छ ।

प्राधिकरणले बारा पर्साका विभिन्न ठाउँका ५ सय ९८ ग्राहकको विद्युत लाइन काटेको केन्द्रका प्रमुख मुनिन्द्र ठाकुरले जानकारी दिए । काटिएकामध्ये ५ सय ९५ जनाले पुनः लाइन जडान गरेको र त्यसबाट ५ करोड १४ लाख रुपैयाँ असुल भएको पनि उनले जानकारी दिए ।

साथै प्राधिकरणले ८७ ग्राहकलाई कालो सूचीमा राखेको छ । पटक पटक शुल्क असुलीको ताकेता गर्दा पनि नउठेपछि लाइन काटेर कालो सूचीमा राखिएको उनले बताए । कालो सूचीमा परेकाहरुबाट ३१ लाख ५४ हजार रुपैयाँ उठ्न बाँकी रहेको छ ।

यो बाहेक प्राधिकरण वीरगञ्ज शाखाले बिलिङ गरेको झण्डै शत प्रतिशत विद्युत महसुल संकलन भएको शाखा प्रमुख ठाकुरले जानकारी दिए । सडक बत्तीको शुल्क छाडेर बाँकी महसुल संकलन भएको उनले बताए ।

चालु आर्थिक वर्षको चैतसम्ममा प्राधिकरण वीरगञ्ज वितरण केन्द्रले २ अर्ब ४८ करोड ६४ लाख रुपैयाँ विद्युत महसुल उठाएको छ ।

शाखाले २ अर्ब ७५ करोड ४६ लाख रुपैयाँ विलिङ गरेको थियो । यसमा सडक बत्ति लगायत अन्य विविध जोडिएकाले बढी बिलिङ देखिएको उनले बताए ।

प्राधिकरण वीरगञ्ज शाखाले चुहावट अन्त्य गर्न विभिन्न स्थानमा अनुगमनका साथै हुकिङ गरेर विद्युत चोरी गर्नेलाई कारबाहीको दायरामा पनि ल्याइरहेको शाखा प्रमुख ठाकुरले बताए ।

Read original article on barakhabar.com

Loading...

Arun Sah Web Hosting