अर्थदेश

चीनद्वारा नेपाली सामानको निर्यातमा रोक

काठमाडौँ : चीनको रसुवागढी–केरुङ नाकामा रहेको चीनियाँ भन्सार विभागले नेपाली खाद्य सामानको निर्यातमा रोक लगाएको छ ।

उक्त विभागले विस्कुट, चाउचाउ, पिठो लगायतको खाद्य सामाग्री अगस्टदेखि रोक लगाएको हो ।

चीनको प्रशासनले ती खाद्य सामाग्रीमा लेबल तथा अन्य विवरण चीनियाँ भाषामा हुनु पर्ने भन्दै ती सामग्रीको निर्यातमा रोक लगाएको हो ।

यसअघि नेपालले चिनियाँ भाषामा लेवल लगाउँदा नबुझेको भन्दै चीनबाट नेपाल भित्रने सामाग्रीमा रोक लगाएको थियो ।
त्यसको प्रतिउत्तरमा चीनले पनि नेपाली सामान निर्यात रोकेको हो ।

चिनियाँको उक्त कार्य नेपाली अधिकारीको निर्णयको बदलाको रुपमा लिइएकोे छ । रसुवागढीका भन्सार प्रमुख पुण्य किरण खड्काले नेपाली सामाग्रीमा लेबल तथा अन्य विवरण नेपाली भाषाका साथसाथै अग्रेजीमा पनि उल्लेख हुने गरेको बताए ।

तर, चीनबाट आयात हुने सामाग्रीमा भने चिनियाँ भाषा मात्र राखिने हुँदा समस्या उत्पन्न हुने गरेको उनले बताए ।

श्रोत
Khabar Hub
Back to top button
Close