Latest News from Terai Madhesh

लेबनानबाट दुई लाख सिरियाली शरणार्थी स्वदेश फिर्ता    

कलैया मौसम बिवरण

बेरुत । सिरियाबाट विस्थापित भई लेबनानमा बस्दै आएकामध्ये अहिलेसम्म झण्डै दुई लाख सिरियाली शरणार्थीहरू स्वदेश फर्किएका छन् ।लेबनानको सुरक्षा अधिकारीहरूलाई उद्धृत गर्दै स्थानीय एक पत्रिकाले शनिबार लेखेको समाचार अनुसार सन् २०१७ देखि अहिले सम्म स्वदेश फर्किनेहरूको सङ्ख्या दुई लाख पुगेका हुन् ।

उनीहरूलाई स्वदेश फर्काउनका लागि लेबनानको सुरक्षा निकायले सिरियाली अधिकारीहरूसँग संयोजन गरेको समाचारमा जनाइएको छ ।अधिकारीहरूका अनुसार सन् २०१८ मा सिरिया फर्किनेहरूको सङ्ख्या अत्यधिक धेरै रहेपनि अहिले भने रमजान पर्वका कारण फर्किनेहरूको सङख्या घटेको छ ।

सिरियाली अधिकारीहरूले उनीहरूलाई स्विकार्ने प्रतिवद्धता जनाएपछि उनीहरूलाई फर्काउने प्रक्रिया अगाडी बढाउने गरिएको लेबनानी सुरक्षा अधिकारीहरूको भनाई छ । अहिले रमजानका कारण स्वदेश फर्किनेको सङख्या घटेपनि रमजान र गृष्म ऋतु सकिएपछि भने फर्किनेको सङ्ख्या बढ्न सक्ने अनुमान गरिएको छ ।

लेबनानमा रहेको संयुक्त राष्ट्रसंघीय कार्यालयमा झण्डै दश लाख सिरियाली शरणार्थीहरूले दर्ता गराएका छन् । तर लेबनान सरकारले भने आफ्नो देशमा रहेका सिरियाली शरणार्थीहरूको सङ्ख्या १५ लाख भन्दा बढी रहेको अनुमान गरेको छ ।

Read original article on dcnepal.com

Loading...

Arun Sah Web Hosting