‘जनताले सुशासन र भ्रष्टाचारीलाई कारबाही खोजे, सरकारले काम गर्न सकेन’

काठमाडौं– सत्तारुढ दल नेपाल कम्युनिष्ट पार्टी (नेकपा) का स्थायी समिति सदस्य एवम् पूर्वमन्त्री अग्नी प्रसाद सापकोटाले वर्तमान सरकारले निन्तरतामा क्रमभंगता गर्न नसकेको गुनासो पोखेका छन्। उनले भने, ‘यो सरकार निरन्तरताको लागिमात्रै होइन। प्रधानमन्त्री केपी शर्मा ओली सफल प्रधानमन्त्री हो। तर, उहाँको टिममा रहेका मन्त्रिहरुबीच टिम–स्पिरिट देखिएन।’

आइतबार रिपोर्टर्स क्लबद्वारा आयोजित साक्षात्कारमा सापकोटाले सरकारले जनताका चाहना र आकांक्षा पूरा गर्नेगरी काम गर्न नसकेको स्वीकार गरे। उनले भने, ‘अब जनताका चाहनाअनुसार काम गर्नुपर्छ। काममा ब्रेक–थु हुनुपर्छ।’

सापकोटाले पार्टीका केही शीर्ष नेताहरु विदेश भ्रमणमा रहेको र प्रधानमन्त्री ओली पनि अस्वस्थ भएकोले सचिवालय र स्थायी समिति बैठकहरु बस्न नसकेको सुनाए। उनले थपे, ‘अब बस्ने सचिवालय बैठकमा सरकारको बारेमा पनि समिक्षा हुन्छ। पार्टी एकताको काम प्रगतितर्फ उन्मुख छ। लगभग ८० प्रतिशत काम सकिएको छ।’

वर्तमान सरकार इतिहासकै शक्तिशाली सरकार भएकाले निरन्तरतामा क्रमभंगता हुनुपर्दथ्यो भन्ने आफूहरुको चाहना रहेको पनि सापकोटाले सुनाए। ‘तर पनि यो सरकार विगतकै जस्तो निरन्तरताको लागि भयो’, उनले भने, ‘जनताले त सुशासन, भ्रष्टाचारलाई कारबाही गर्ने कुरामा क्रमभंगता खोजेका थिए। तर, जनताले चाहेजस्तो सरकारले ब्रेक–थ्रु गर्न सकेन्।’

यद्यपी सरकार रणनीतिक महत्वका काममा पूर्ण सफल भएको उनको दाबी छ। उनले सिण्डिकेट अन्त्य भए पनि मन्त्रालयहरुबीच समन्वय नहुँदा व्यवहारमा जनताले अनुभूति गर्न नपाएको स्पष्ट पारे। उनले भने, ‘मन्त्रीहरुबीच टिम–स्पिरिट देखिएन। प्रधानमन्त्रीको स्पिरिट मन्त्रीहरुमा देखिएन। अब समिक्षा गर्ने बेला भएको छ।’

उनले जनताले सरकारबाट भाषण नभएर ‘एक्शन’ खोजेको पनि बताए । उनले भने, ‘जनतालाई सपना देखाउने काम पूरा भैसक्यो, अब ‘एक्शन’ गरेर देखाउनुपर्छ। अब बस्ने स्थायी समिति बैठकमा सरकारको बिहंगम समिक्षा हुन्छ।’

सरकारले रणनीतिक महत्वको काम गरेपनि जनतालाई सेवा दिने काममा ढिलाई भएको उनको गुनासो छ। उनले भने, ‘अब सरकारले अल्पकालिन, मध्यकालिन र दीर्घकालिन योजनाहरुको ‘सेरिज’ बनाउनुपर्छ।’

सरकारका काम कारबाहीका सवालमा जनताको तहबाट उठेका सकारात्मक आलोचनालाई सुझावका रुपमा लिनुपर्ने उनले सुझाए। उनले थपे, ‘जनताका सकारात्मक आलोचना र गुनासाहरुलाई सरकारले एक/एक रुपमा सम्बोधन गर्नुपर्छ।’

जनताले यही सरकारबाट ठूलो आशा गरेकाले कम्युनिष्ट सरकारको विकल्प नभएको उनको भनाई छ।

ट्रकले किच्दा २ जनाको मृत्यु

मकवानपुर – पूर्व–पश्चिम महेन्द्र राजमार्ग अन्तर्गत हेटौंडामा आइतबार भएको सवारी दुर्घटनामा २ जनाको ज्यान गएको छ। हेटौंडा उपमहानगरपालिका ९ पशुपतिनगरमा भएको दुर्घटनामा ट्रकले किच्दा २ जनाको मृत्यु भएको हो।

विरगञ्जबाट हेटौंडा आउँदै गरेको ना ६ ख ७०१७ नम्बरको ट्रक पल्टिदा हेटौंडा बजार आउँदै गरेको मोटरसाइकल र अटोलाई थिचेको थियो। ना १ ह ८९५९ नम्बरको अटोको यात्रु र ना ४६ प ६२१ नम्बरको मोटरसाइकल चालकको हेटौंडा अस्पतालमा उपचारको क्रममा मृत्यु भएको जिल्ला प्रहरी कार्यालय मकवानपुरका प्रवक्ता एवम् प्रहरी नायव उपरीक्षक नरेशकुमार सिंहले बताए।

मृत्यु हुनेमा मोटरसाइकल चालक हेटौंडा ४ का २० वर्षीय सुदीप घिमिरे र अटोमा सवार हेटौंडा ४ की ३५ वर्षीया गंगा चेमजोङ रहेको प्रहरीले जनाएको छ। प्रहरीका अनुसार अटो चालक फरार छन् भने ट्रकका चालकलाई नियन्त्रणमा लिइएको छ।

साँघुरो सडकको कारण ट्रक दुर्घटना हुँदा अटो र मोटरसाइकलमा सवारले ज्यान जोगाउन नसकेको प्रत्यक्षदर्शीले बताए। इलाका प्रहरी कार्यालय पशुपतीनगरका प्रहरी निरीक्षक अनोज रायमाझीले एउटै दिशातर्फ रहेका ट्रकले साईड दिने क्रममा अनियन्त्रित भइ ट्रक पल्टीदा दुर्घटना भएको बताए।

विधायकको अनावश्यक हस्तक्षेपका कारण पञ्चवर्षिय मेलामा विवाद स्थानीय तह विपरीत बाराका सिडिओ, एसपी

हरेक पा“च वर्षमा लाग्ने का“टवासी माईको मेला क्षेत्र नं. २ का सांसद, विधायक र जिल्ला प्रशासन कार्यालय बाराको कारण विवादित बनेको छ ।

महागढीमाई नगरपालिका–७ स्थित तेलगाई टोलमा प्रत्येक पाच वर्षमा लाग्ने का“टवासी माईको मेला सांसद, विधायक र प्रमुख जिल्ला अधिकारीको अनावश्यक हस्तक्षेपको कारण विवादित बनेको हो । बाराका प्रमुख जिल्ला अधिकारी गणेश भट्टराईले स्थानीय तह विरुद्ध गठन गरिएको समितिलाई स्पष्ट जवाफ नदिदा झन विवाद उत्पन्न भएको हो । महागढीमाई नगर कार्यपालिकाको बैठकले स्थानीय तह संचालन ऐन २०७४ अनुसार स्थानीय हरेन्द्र यादवको अध्यक्षतामा मेला व्यवस्थापन तथा संचालन समिति गठन गरेको छ ।

संघीय समाजवादी फोरम नेपालबाट निर्वाचित सांसद रामसहाय यादव, विधायक बच्चा राय यादव र शारदा शंकर प्रसाद साह अनावश्यक हस्तक्षेपको कारण विवाद बढेको हो । दुबै विधायकद्वय यादव र साहको उपस्थितीमा स्थानीय राजकुमार गुप्ताको अध्यक्षतामा अर्को मेला संचालन तथा व्यवस्थापन गठन गरि जिल्ला प्रशासन कार्यालय बारामा पत्राचार गरेपछि प्रशासन कार्यालयले जिल्ला समन्वय समितिलाई विवाद समाधान गर्न पत्र पठाए पछि झन विवाद बढेको हो । विधायकद्वय यादव र साहले क्षेत्राधिकार बाहिर गएर समिति गठन गर्न लगाएपछि विवाद उत्पन्न भएको हो ।प्रमुख जिल्ला अधिकारी गणेश प्रसाद भट्टराईले विवाद समाधान गर्न जिल्ला समन्वय समितिलाई पत्राचार गरिएको बताए । विवाद समाधान नभए शान्ति सुरक्षा कायम गर्न प्रहरी परिचालन गरी मेला संचालनमा रोक लगाउने प्रजिअ भट्टराईले चेतावनी दिए । बाराका प्रहरी उपरिक्षक सानुराम भट्टराईले गुण्डागर्दी शैलीमा मेलालाई संचालन गर्न खोजिए प्रहरी चुप लागेर नबस्ने बताउदै चर्को स्वरमा गर्जिएका थिए । स्थानीय जनताले प्रहरी माथिको विश्वास घटने क्रम बढेपछि प्रहरी प्रधान कार्यालयले मुस्कान सहितको प्रहरी, प्रहरी मेरो साथी र समुदाय–प्रहरी साझेदार लगायतका कार्यक्रम ल्याएपनि जिम्मेवार प्रहरी प्रमुखहरुको कारण असफल हुदै आएको छ, उदहारण स्वरुप शनिबार बाराका प्रहरी उपरिक्षक भट्टराईको अभिव्यक्तिले प्रष्ट पारेको छ ।”

महागढीमाई नगरपालिकाका नगरप्रमुख उपेन्द्र प्रसाद यादवले स्थानीय तह संचालन ऐन अनुसार नगर कार्यपालिकाको बैठकले मेला संचालन तथा व्यवस्थापन समिति गठन गरिएको बताए । मेला संचालन गर्न खोज्दा राजनितिक आस्थाको आधारमा विधायकहरुले अनावश्यक हस्तक्षेप गरेको नगर प्रमुख यादवले आरोप लगाए । नगर प्रमुख यादवले स्थानीय प्रशासनले नगरकार्यपालिकाको बैठकको निर्णय विधायकको ईशारामा कार्यान्वयन गर्नमा अवरोध गरे नगरपालिकामा निर्वाचित जनप्रतिनिधिले कलम बन्द गरी वडा र नगरपालिकाबाट गर्ने कार्य बन्द गर्ने चेतावनी दिए ।

नगरप्रमुख यादव नेतृत्वको नगरकार्यपालिकाका सदस्यसहितको टोलीले शनिबार प्रमुख जिल्ला अधिकारी सहितको सुरक्षा निकायको प्रमुखलाई भेटेर मेला संचालन गर्न भइरहेको अवरोध हटाउनका लागि शान्ति सुरक्षा उपलब्ध गराइदिन आग्रह गरेको छ । समिति गठन पश्चात स्थानीय प्रशासनसंग मेला संचालनका लागि शान्ति सुरक्षाको व्यवस्था मिलाई दिन स्थानीय प्रशासनलाई पत्राचार गरेको छ ।

विधायकको उपस्थितिमा गठन गरिएको मेला संचालन तथा व्यवस्थापन समितिका अध्यक्ष राजकुमार गुप्ता स्थानीय तह निर्वाचनमा वडा नम्बर ७ को वडाध्यक्षमा नेपाली का“ग्रेसका प्रतिनिधिसंग पराजित भएका थिए । प्रदेश नम्बर २ का विधायक बच्चा राय यादवले आफूहरुको उपस्थितिमा स्थानीयवासीले राजकुमार गुप्ताको अध्यक्षतामा मेला समिति गठन गरेको बताए । विधायक यादवले आफूहरुले गठन गरेकोे समिति नै आधिकारिक भएको बताए । जिल्ला समन्वय समितिका सभापति नवलकिशोर सिहले विवाद समाधानका लागि पहल भइरहेको जानकारी गराए । यही मंसिर २२ गते देखि कँ“टवासी माईको मेला संचालन हुन लागेको छ ।

बीजेपीका सचिव अनिलको गोली हानी हत्या

काठमाडौं । भारतीय जनता पार्टी (बीजेपी)का सचिव अनिल परिहारको गोली हानी हत्या गरिएको छ ।

भारतको जम्मू–कस्मिर राज्यका बीजेपीका सचिव परिहारसँगै उनका भाइको गोली हानी हत्या भएको छ । विहीबार साँझ जम्मू–कस्मिरको किश्तवाडमा दुबै भाईको हत्या भएको हो ।

भारतीय संचारमाध्यमहरुका अनुसार किश्तवाडमा रहेको आफ्नो घरतर्फ जाँदै गर्दा परिहार दाजुभाइमाथि गोली हानिएको जम्मू–कश्मीर प्रहरीले जनाएको छ ।

जम्मू–कश्मीर बीजेपीका अध्यक्ष रवीन्द्र रैनाले आतंककारी समूहले गोली प्रहार गरेको बताएका छन् । घटनाबारे अनुसन्धान भइरहेको भारतीय प्रहरीले जनाएको छ ।

छट घाट बनाउँने बिषयमा भएको झडपमा घाइते भएका गढीमाई मन्दिर समितिका सचिव कुश्वाहा काठमाण्डौ रेफर

बाराको महागढीमाई नगरपालिका १ गढीमाई मन्दिर परिसरको सार्वजनिक जग्गामा छट घाट मन्डप बनाउने बिषयमा झडपमा परि गम्भीर घाईते गढीमाई मन्दिर संचालन तथा बिकास समितिको सचिव मोतिलाल कुश्वाहाको थप उपचारको लागि नर्भिक हस्पिटल काठमाडौ रेफर गरिएको छ ।

कार्तिक १२ गते दुई पक्ष बिछ भएको झडपमा परि महागढीमाई नगरपालिका १ को दुई पक्षको एक दर्जन स्थानीयहरु घाईते भएका थिए । झडपमा परि गम्भीर घाईते भएका सचिव मोतिलाल कुश्वाहाको घाटि तलको रिढको दुईटा हाड भाचेको चिकित्सकहरुले बताएका छन ।

झडप पछि दुबै पक्षको छट घाट मन्डप बनाउने काम जिला प्रहरी कार्यलय बाराले सहमती नहुन्जेल सम्म रोका गरिएको बाराको प्रहरी प्रवक्ता रनजित सिह राठौरले बताए ।

साविक बरियारपुर वडा न २ को छठ घाट पुजा समिति बिजय साह कानु पक्षधर र बिपक्षी छट घाट पुजा समितिको संयोजक झगरु महतो पक्षधर बिच कार्तिक १२ गते आपसि समझदारी नभएपछी झडप भएको थियो । बिगतको दिनमा दुबै पक्षको सोही सार्वजनिक जग्गामा छुटा छुटै छठ घाट मण्डप बनाएर पुजापाठ गरिदै आएको थियो ।

सरकाररले छान्यो १०० नयाँ पर्यटकिय गन्तव्य, बाराको गढिमाई मन्दिर पनि सुचिमा

सरकारले ओझेलमा परेका एक सय वटा नयाँ पर्यटकीय गन्तव्यलाई प्रवर्द्धन गर्ने भएको छ । संस्कृति, पर्यटन तथा नागरिक उड्डयन मन्त्रालयले प्रवर्द्धन गर्नुपर्ने नयाँ सयवटा पर्यटकीय गन्तब्यहरु छनोट गरेको हो । यी गन्तब्य नेपाल पर्यटन बोर्ड, स्थानीय तथा प्रदेश सरकारबाट सिफारिस गरिएकाहरु हुन् ।

सरकारले बारा जिल्लाको महागढिमाई नगरपालिका बरियारपुर स्थित रहेको श्री गढिमाई मन्दिरलाई पनि सुचिमा सामेल गरेको छ । हरेक बर्ष लाँखौं भक्तजनहरुको ओहिरो लाग्ने गढिमाई मन्दिर नेपाल सरकारको उदासिनताले ओझेलमा परेको थियो ।
भारतको उत्तरप्रदेशमा हरेक १२ बर्ष पछि लाग्ने कुम्भ मेला पछि बाराको महागढिमाई नगरपालिका बरियारपुर स्थित हरेक ५ बर्षमा लाग्ने श्री गढिमाई मेलामा बसै भन्दा बढि भक्तजनहरुको ओहिरो लाग्ने गर्दछ ।

नेपाल र भारतबाट लाखौं भक्तजनहरुको ओहिरो लाग्दा पनि प्रचारप्रसारको कमिले गर्दा अन्य देशहरुबाट यहाँ आगमन कम हुने गरेको छ ।

नेपाल प्रेस युनियन बाराको छैठो जिल्ला अधिवेशन मंसिर १५ गते

नेपाल प्रेस युनियन बाराको छैठो जिल्ला अधिवेशन मंसिर १५ गते कलैयामा हुने भएको छ ।

युनियन बाराका अध्यक्ष गणेशराज रिजालको अध्यक्षतामा बसेको कार्यसमितिको बैठकले मंसिर १५ गते नेपाल पत्रकार महासंघको भवनमा गर्ने निर्णय गरेको छ ।

बैठकले अधिवक्ता परमहंश केशरीको संयोजकत्वमा तीन सदस्यीय निर्वाचन समिति चयन गरेको छ । समितिको सदस्यमा सत्यप्रसाद श्रेष्ठ र रेशम तिवारी रहेका छन । त्यसैगरी बैठकले प्रजातान्त्रिक पत्रकारिता पुरस्कार र विनोद प्याकुरेल स्मृति पत्रकारिता पुरस्कार वितरण गर्न गुरूप्रसाद गौतमको संयोजकत्वमा तीन सदस्यीय पुरस्कार छनौट उपसमिति चयन गरेको छ । समितिको सदस्यमा सत्यप्रसाद श्रेष्ठ र राकेश पाण्डेय रहेका छन ।

सांसदको तलब ४५ हजार, मुख्यमन्त्रीको ६१ हजार

काठमाडाैं । कर्णाली प्रदेशका सांसदको मासिक तलब ४५ हजार हुने भएको छ ।

आजको अन्नपुर्ण पोष्ट दैनिकमा याे खबर छ – उनीहरुले आवास सुविधा, इन्धन खर्च, बिजुली र पानीको खर्चसमेत पाउने छन् ।

आन्तरिक मामिला तथा कानुन् मन्त्रालयले प्रदेशसभा सदस्य र पदाधिारीको सेवा सुविधासम्बन्धी विधेयकमा यस्तो प्रस्ताव गरेको छ ।

विधेयक मंगलबार ससदमा दर्ता भएको छ ।
विधेयकमा सभामुखलाई ५३ हजार, उपसभामुख र विपक्षी दलको नेतालाई ५० हजार र सचेतक र समिति अध्यक्षलार्य ४८ हजार मासिक तलब प्रस्ताव गरिएको छ ।, मा यो खबर छ ।
त्यस्तै, कर्णालीमा मुख्यमन्त्रीको मासिक तलब ६१ हजार प्रस्ताव गरिएको छ ।

मुख्यमन्त्री र मन्त्रीहरुको सेवा सुविधासम्बन्धी ससदमा मंगलबार दर्ता विधेयकमा मुख्यमन्त्रीलार्य मासिक ६० हजार ९ सय ७० तलब उपलब्ध गराउने प्रस्ताव छ ।

सामुहिक नेतृत्वमै राजपा नेपाल अध्यक्ष मण्डल बिघटन नहुने

राष्ट्रिय जनता पार्टी नेपाल (राजपा नेपाल) मा सामुहिक नेतृत्व नै हुने भएको छ । पार्टीको पारित बिधानमा अध्यक्ष मण्डल कायम रहने व्यवस्था पारित भएको छ । राजपा नेपालका केन्द्रीय सदस्यहरुले अध्यक्ष मण्डल बिघटन गर्नुपर्ने माग गरे पनि अध्यक्ष मण्डल बिघटन नहुने भएको छ ।

पार्टीमा एकले अर्कोको नेतृत्व स्वीकार गर्न नसकेपछि अध्यक्ष मण्डलको बैठकले सामुहिक नेतृत्वमै अगाडी बढने निष्कर्ष निकालेको छ । तर पार्टीको यस अघि भएको केन्द्रीय एवं जिल्ला भेलामा नेताहरुले अध्यक्ष मण्डल खारेज गर्न माग गरेका थिए । अध्यक्ष मण्डलको व्यवस्थाले पार्टीको काम ठिक तरिकाले हुन नसकेको निष्कर्ष केन्द्रीय सदस्य एवं जिल्ला नेतृत्वले निकालेका थिए ।

राजपा नेपाल अध्यक्ष मण्डलका सदस्य अनिलकुमार झाले पार्टी अध्यक्ष मण्डलकै व्यवस्थामा अगाडी बढने बताए । अध्यक्ष मण्डलको बैठकले पार्टीमा अझै सामुहिक नेतृत्वको आवश्यकता रहेको निष्कर्ष निकालेको छ ।

‘पद र व्यक्तिको नामले केही फरक पर्दैन्, मुख्य कुरा भनेको पार्टीको संगठन कसरी निर्माण गरी शसक्त बनाउँने हो हाम्रो ध्यान त्यसैमा छ’ झाले भने, ‘रामप्रसाद नाम भएका धेरै मान्छे क्रिश्चियन भईसकेका छन्, त्यसैले नाम र व्यक्तिले केही फरक पर्दैन् ।’

बिभिन्न ६ पार्टी मिलेर बनेको राजपा नेपालको संगठन निर्माण गर्नका लागि एकल नभई सामुहिक नेतृत्वकै अहिले आवश्यक्ता रहेको उनले बताए । सामुहिक नेतृत्वले पार्टीको गतिविधि अगाडी बढाउँन सहयोग पुग्ने बिश्वास झाले व्यक्त गरे ।

राजपा नेपालका उपाध्यक्ष सत्यनारायण मण्डलले पार्टीमा रहेको सामुहिक नेतृत्व अझै रहिरहने बताए । अध्यक्ष मण्डलको व्यवस्था सहित बिधान पारित भएको बताउँदै उनले अगामी महाधिबेशन सम्म यो व्यवस्था रहीरहने उनले बताए ।

‘पार्टीको अध्यक्ष मण्डलीय व्यवस्था अगामी महाधिबेशन सम्म रहन्छ, सोही व्यवस्था अनुसार बिधान पारित भएको छ’ मण्डलले भने, ‘अगामी महाधिबेशनमा एक नेतृत्व वा सामुहिक नेतृत्व के हुने भन्ने प्रस्ताव जान्छ, महाधिबेशन प्रतिनिधिले पारित गरे अनुसार अगामी नेतृत्व चयन हुन्छ ।’

पार्टीले स्थानीय तहको अधिबेशन सहित जनवर्गीय संगठनहरुको महाधिबेशन गर्ने तयारीमा जुटेको मण्डलले बताए । सदस्यता बितरण, अधिबेशन लगायतका काम तिब्रगतिमा अगाडी बढीरहेको उनले बताए ।

७, ८ र ९ बैशाख २०७६ मा पार्टीको पहिलो एकता महाधिबेशन गर्ने निर्णय पार्टीले यस अघि नै गरिसकेको छ । ७ बैशाख २०७४ मा बिभिन्न ६ पार्टी मिलेर राजपा नेपाल बनेको थियो ।

यता संबिधान संशोधन गर्ने सर्त सहित सरकारलाई समर्थन गरेको राजपा नेपालले समर्थन जारी नै राख्ने निष्कर्ष निकालेको छ । नेपाल कम्युष्टि पार्टी (नेकपा) का अध्यक्ष केपी शर्मा ओली नेतृत्वको सरकारलाई समर्थन गरेको राजपा नेपालले संशोधनका लागि दबाब दिदै आएको छ ।

प्रधानमन्त्री ओलीलाई राजपा नेपालका नेताहरुले पछिल्लो समय भेटघाट गर्दै संबिधान संशोधन, जेलमा रहका सांसद रेशम चौधरीको रिहाई, मधेस आन्दोलनका क्रममा लगाईएका झुठा मुद्धा फिर्ता लगायतका माग सम्बोधन गर्न दबाब दिदै आएका छन् ।

राजपा नेपालका महासचिव अजय गुप्ताले सरकारलाई दिएको समर्थन फिर्ता नहुने बताए । पार्टीमा सरकारलाई दिएको समर्थनका बिषयमा छलफल भए पनि अहिले कै अवस्थामा समर्थन फिर्ता नहुने बताए ।

‘सरकारलाई संबिधान संशोधन लगायतका माग सम्बोधन गर्ने सर्त सहित हामीले समर्थन गरेका हौं, अझै केही दिन हेर्छौ’ गुप्ताले भने, ‘सरकार र पार्टी नेताका बीचमा छलफल भईरहेको छ, यदी संशोधन सहितका माग सम्बोधन नभए सरकारलाई दिएको समर्थन फिर्ता लिएर पार्टी आन्दोलनमा जानसक्छ ।’

अहिलेकै अवस्थामा समर्थन फिर्ता नलिने बताउँदै उनले केही दिन अझै पर्खिने बताए । सरकार निर्माण भएको ७ महिना भएको बताउँदै केही समय पार्टीले अझै समर्थन गरिरहने बताए । यदी पार्टीले उठाउँदै आएको माग सम्बोधन नभएको अवस्थामा समर्थन फिर्ता लिएर आन्दोलनमा जानसकिने गुप्ताले बताए ।

जनता दल र पिछडावर्ग महासंघ नेकपामा बिलय

नेपाल कम्युनिष्ट पार्टी (नेकपा) का महासचिव बिष्णु पौडेलले मधेसका समस्या समाधान गर्न मधेसवादी दल नचाहेको बताएका छन् ।

नेकपा केन्द्रीय कार्यालय धुम्बाराहीमा सोमबार आयोजित पार्टी प्रबेश कार्यक्रमलाई सम्बोधन गर्दै महासचिव पौडेलले मधेसको समस्या नेकपाले समाधान गर्ने बताए ।

मधेसवादी दलले मधेसको समस्या समाधान नगरी सत्ताको दौडमा रहेकाले सोझा मधेसीहरुले समस्या झेल्नुपरेको उनले बताए । नेकपा नेतृत्वको सरकारले मधेसको समस्या समाधान गर्ने बताउँदै उनले पिछडीएका जनताको बिकासका लागि पार्टीले योजनाबद्ध तरिकाले अगाडी बढने बताए ।

राष्ट्रिय जनता दल नेपाल र पिछडाबर्ग (ओबिसी) महासंघका सम्पुर्ण नेता कार्यकर्तालाई नेकपामा प्रबेश गराउँदै मधेसको समस्या समाधन गरिने उनले बताए । महासचिव पौडेल, संसदीय दलका कार्यबाहक नेता सुबास नेम्वाङ, स्थायी कमिटीका सदस्य सत्यनारायण मण्डल लगायतका नेताले अबिर तथा खादा लगाएर उनीहरुलाई पार्टीमा प्रबेश गराए ।

मधेसका पिछडाबर्ग, गरिब, जातिय बिभेदमा परेका जनताको आर्थिक, समाजिक, राजनीतिक बिकासका लागि नेकपाले महत्वपुर्ण काम गर्ने महासचिव पौडेलले बताए । नवप्रबेशी नेताहरुलाई योग्यता, क्षमता अनुसार पार्टीमा जिम्मेवारी दिईने उनले बताए ।

पार्टी प्रवेश गराउनका लागि नेकपाका नेता एवं पिछडावर्ग महासंघका संस्थापक अध्यक्ष, पूर्व उधोग राज्यमन्त्री मेघराज निषाधले पहल गरेका हुन् । निषाधकै सक्रियतामा जनता दल र पिछडाबर्गका सम्पुर्ण नेता नेकपामा प्रबेश गरेका हुन् । समत पार्टीका अध्यक्ष रहेका निषाध यस अघि नै नेकपामा प्रबेश गरिसकेका हुन् ।

जनता दलका अध्यक्ष भरतप्रसाद महतो सहित पार्टीका केन्द्रीय सदस्यहरु, मधेसका २० जिल्लाका सम्पुर्ण नेता, कार्यकर्ताहरु नेकपामा प्रबेश गरेको मनाई महतोले बताए । मधेसको समस्या समाधान एवं पिछडावर्गको बिकासका लागि नेकपाले नै गर्ने बिश्वास उनले व्यक्त गरे ।